Category: Yee Lam

在學校做的一份手工:學校(以琳正上方的一幅作品) 轉眼間，以琳返茵怡幼稚園已經是第十天了。還記得適應期正式回校第一天她真的喊著想媽媽陪，當時有個’醒目’老師適時抱佢入去，比本故事書佢就無耐收咗聲。 接著第一個星期，未算很適應，但感恩是她一直只要求”我想媽咪陪我返學”,就唔係話唔想返學。期間，為著媽咪話唔舒服食少啲餅一事，演變成”不食茶點”，幸而有愛心的老師刻意安排某次專登批了個梨比佢代替餅乾，問佢食唔食。她雖然都固執唔食。不過經過一番說教，這兩天終於有進步了。 第十天，作為媽咪感到最開心是，這幾天問以琳:返學開唔開心?以琳都答:開心。還聽倒很多學校的學習內容。我總要推推砌砌，將佢說的片段組織成我能想像的學校活動。 就好似今日瞓晏覺，以琳瞓唔著時自言自語:’第一天上學…太陽伯伯掛喺個天上喎…太陽伯伯(唱歌)…小朋友做咩喊?你掛住媽媽牙…媽媽一陣放學接你啦……’ (講咗一大堆野，最後同媽媽 講:媽咪，我瞓唔著呀)

第一次番學生日會，唔洗著校服，又食又拎，生日袋滿載而歸。