Category: 飲食

2015年流感高峰期(今年好嚴重，截至27號死咗51人:( )，恩恩今年第一次發燒。首先係家姐星期一發燒要請假，星期三就到妹妹燒。

後記: 妹妹發燒瞓覺，我們才好好食一餐慶祝結婚十週年 😛
星期六燒到39.3度，放工睇佢，比退燒藥都係退得麻麻地，連續幾日燒吓退吓。
到第六日才睇醫生(週末診所冇開)，回到家已燒到39.6度，立即食藥，小恩成個人謝哂，雙眼變雙眼皮，幾乎掙唔開，勁扭計，我同老公都擔心要送佢入院，即刻請假照顧佢。
醫生開咗啲抗生素同退燒藥，話佢氣管炎，好彩真的有效，瞓完覺燒也退了很多，回到37.1度左右。晚上見佢好似想燒番，唔比佢咁厚被，唔知係咪退燒退過頭，身體未調節好，淩晨時體溫低到35.5度，都唔知算唔算正常，拿拿聲拎走身上啲退熱貼，著番件厚睡袍再瞓。後來想網查一查，是有點低溫。
好彩朝早起身真的回復正常的36點幾度。真係唔湊過小孩都唔識呢啲體溫變化。一日有4度上落，我還是第一次經歷，希望大家快啲好番哂啦!